Ration Card: ரேஷன் தொடர்பாக நாடு முழுவதும் புதிய விதியை அரசு அமல்படுத்தியுள்ளது.

Ration Card: ரேஷன் தொடர்பாக நாடு முழுவதும் புதிய விதியை அரசு அமல்படுத்தியுள்ளது. தேசிய உணவு பாதுகாப்பு சட்டத்தின் கீழ், பயனாளிகளுக்கு சரியான அளவு உணவு தானியங்கள் கிடைப்பதை உறுதி செய்யும் வகையில், ரேஷன் கடைகளுக்கு மத்திய அரசு புதிய உத்தரவை பிறப்பித்துள்ளது.

மோடி அரசாங்கத்தின் லட்சியமான 'ஒரே நாடு ஒரே ரேஷன் கார்டு திட்டம்' நாடு முழுவதும் செயல்படுத்தப்பட்டுள்ளது, அதன் பிறகு அனைத்து கடைகளிலும் ஆன்லைன் எலக்ட்ரானிக் பாயின்ட் ஆஃப் சேல் (பிஓஎஸ்) சாதனங்கள் கட்டாயமாக்கப்பட்டுள்ளன. அரசின் இந்த முடிவால் இனி எந்த பயனாளிக்கும் குறைவான ரேஷன் கிடைக்காது.

இனி ரேஷனை எடை போடுவதில் பிரச்னை இருக்காது!

உண்மையில், தேசிய உணவுப் பாதுகாப்புச் சட்டத்தின் கீழ் பயனாளிகளுக்கு சரியான அளவு உணவு தானியங்கள் கிடைப்பதை உறுதி செய்வதற்காக ரேஷன் கடைகளில் மின்னணு தராசுகளுடன் மின்னணு விற்பனை சாதனங்களை இணைக்கும் வகையில் உணவுப் பாதுகாப்புச் சட்ட விதிகளில் மத்திய அரசு திருத்தம் செய்துள்ளது. இதன்பிறகு அனைத்து டீலர்களும் மின்னணு தராசு வைத்திருப்பது கட்டாயமாக்கப்பட்டுள்ளது. மேலும் இனி எந்த ஒதுக்கீட்டையும் திருடக்கூடாது என்பதற்காக அரசும் இதற்கான ஆய்வுகளை மேற்கொண்டு வருகிறது.

நாடு முழுவதும் புதிய விதிமுறை அமல்படுத்தப்பட்டுள்ளது

அரசின் இந்த உத்தரவுக்குப் பிறகு, தற்போது நாட்டில் உள்ள அனைத்து நியாய விலைக் கடைகளும் ஆன்லைன் மின்னணு விற்பனை மையத்துடன் அதாவது பிஓஎஸ் கருவிகளுடன் இணைக்கப்பட்டுள்ளன. அதாவது, இனி ரேஷன் எடையில் குளறுபடியும் நடக்க வாய்ப்பிருக்காது. ரேஷன் டீலர்களுக்கு ஹைபிரிட் மாடல் பாயின்ட் ஆப் சேல் மிஷின்களை அரசு வழங்கியுள்ளதால், பொது விநியோகத் திட்டத்தின் பயனாளிகள் எந்தச் சூழ்நிலையிலும் குறைவான ரேஷன் பெறக்கூடாது. நெட்வொர்க் இல்லாவிட்டால் இந்த இயந்திரங்கள் ஆஃப்லைனிலும் ஆன்லைன் பயன்முறையிலும் வேலை செய்யும்.